.​​​

A Escola Galega de Saúde para Cidadáns, creada no ano 2009, depende da Xerencia do Servizo Galego de Saúde. Dirixida e xestionada dende a Subdirección Xeral de Humanización e Atención á Cidadanía, está orientada á formación da cidadanía.

A súa misión é prover de información, coñecementos e habilidades en procesos de saúde e de enfermidade a pacientes, coidadores e cidadáns, co fin de mellorar a súa calidade de vida e potenciar a súa participación segura nas decisións sobre os seus procesos, así como facilitar o coñecemento do funcionamento dos servizos sanitarios para contribuír a un uso eficiente deles, para o que conta cunha rede de profesionais e formadores expertos.

A Escola Galega de Saúde para Cidadáns forma parte da Rede de Escolas de Saúde para a Cidadanía do Ministerio de Sanidade.